У 2008 годзе скончыла Беларускую дзяржаўную акадэмію музыкі (клас народнай артысткі Беларусі, дацэнта Ірыны Шыкуновай).
Прымала ўдзел у майстар-класах Францішка Хамера (барочная музыка; Аўстрыя, 2005 г.), Драгаміра Ненава (оперная драматургія; Балгарыя, 2006 г.), Александрыны Мілчавай (школа вакалу; Балгарыя, 2006 г.).
У 2009 годзе скончыла магістратуру (клас заслужанага артыста Рэспублікі Беларусь, прафесара Віктара Скорабагатава).
З 2008 года – салістка тэатра.

Іаланта - "Іаланта" П. Чайкоўскага
Герда - "Гісторыя Кая і Герды (Снежная каралева)" С.Баневіча
Адзіна - "Любоўны напой" Г. Даніцэці
Мімі – "Багема" Дж. Пучыні
Надзея Яноўская – "Дзікае паляванне караля Стаха" У. Солтана
Маргарыта – "Фаўст" Ш. Гуно
Сольвейг - "Пэр Гюнт" Э. Грыга (вакальная партыя ў балеце)
Котка - "Кошкін дом" П. Вальдгардта
Сента - "Лятучы галандзец" Р. Вагнера
Марфа – "Царская нявеста" М. Рымскага-Корсакава
Віялета – "Травіята" Дж. Вердзі
Кася - "Чужое багацце нікому не служыць" Я. Д. Голанда
Карыла - "Viva la Mamma!" Г. Даніцэці
Дзінь – "Чароўная музыка" М. Мінкова
Барбарына, Графіня - "Вяселле Фігара" В. А. Моцарта
Другая дама - "Чароўная флейта" В. А. Моцарта
Ганна - "Набука" Дж. Вердзі
Эма – "Хаваншчына" М. Мусаргскага
Купава – "Снягурачка" М. Рымскага-Корсакава
Жрыца - "Аіда" Дж. Вердзі
Таццяна - "Яўген Анегін" П. Чайкоўскага
Галатэя – "Метамарфозы" (вакальная партыя ў балеце на музыку І. С. Баха)
Ірына - "Сівая легенда" Д. Смольскага
Трус - "Віні - Пух і ўсё, усё, усё..." В. Пятровай
Донна Элеанора – "Спачатку музыка, потым словы" А. Сальеры

Вядзе актыўную канцэртную дзейнасць у Беларусі і за мяжой - у Расіі, Італіі, Кітаі, Латвіі, Балгарыі. Выступала ў спектаклях Растоўскага дзяржаўнага музычнага тэатра (Віялета ў оперы "Травіята" Дж. Вердзі), Латвійскай нацыянальнай оперы (Донна Ганна ў оперы В. А. Моцарта "Дон Жуан").
У маі 2022 года прыняла ўдзел у V Фестывалі опернага мастацтва "Опера без межаў" (Расія, Краснадар), выканаўшы партыю Ксеніі ў оперы М. Мусаргскага "Барыс Гадуноў".
У рамках гастроляў Вялікага тэатра Беларусі ў Расіі ў кастрычніку 2022 года выканала партыю Надзеі Яноўскай у оперы У. Солтана "Дзікае паляванне караля Стаха" на Гістарычнай сцэне Вялікага тэатра Расіі.