Сёння галоўны балетмайстар Вялікага тэатра Беларусі, заслужаны артыст Расійскай Федэрацыі Ігар Колб прадставіў калектыву новага загадчыка трупай балета. Ім стаў народны артыст Беларусі, вядучы майстар сцэны балета Антон Краўчанка.
Ігар Паўлавіч ад усяго сэрца падзякаваў за плённую працу Ганну Фокіну, якая займала гэтую пасаду з лютага 2024 года, і выказаў упэўненасць, што атмасфера ў трупе балета стане яшчэ больш творчай і натхнёнай.
Віншуем з новай роляй Антона Краўчанку! Жадаем радасці творчасці, энтузіязму і натхнення!