Беларусь – В’етнам. Культурны дыялог

 

8 мая ў прысутнасці Пасла Рэспублікі Беларусь у Рэспубліцы В’етнам Уладзіміра Баравікова Мемарандум падпісалі генеральны дырэктар Вялікага тэатра Беларусі, уладальнік медаля Францыска Скарыны, доктар мастацтвазнаўства, прафесар Кацярына Дулава і дырэктар Опернага тэатра «Хо Гыом», генерал-маёр, народны артыст В’етнама спадар Нгуен Конг Баю.

Бакі вызначылі вектары сумеснай работы: штогадовы абмен пастаноўкамі, спектаклямі, канцэртнымі праграмамі, абмен салістамі, дырыжорамі, выканаўчымі калектывамі, абмен прафесійным вопытам і іншыя формы творчага ўзаемадзеяння.

Мемарандум уносіць важкі ўнёсак ва ўмацаванне культурных сувязяў паміж нашымі краінамі, яшчэ раз пацвярджаючы, што мастацтва па-ранейшаму застаецца той універсальнай мовай, якая здольна аб’ядноўваць народы.