Аляксей Баярынаў

Нарадзіўся ў г. Жалезнагорск (Краснаярскі край, Расія). Скончыў Краснаярскі харэаграфічны каледж (2016), затым - бакалаўрыят Акадэміі Рускага балета імя А. Я. Ваганавай (Санкт-Пецярбург).

У якасці артыста кардэбалета выступаў на сцэнах Краснаярскага дзяржаўнага тэатра оперы і балета імя Д. А. Хварастоўскага, Дзяржаўнага акадэмічнага Марыінскага тэатра (Санкт-Пецярбург), Санкт-Пецярбургскага Дзяржаўнага Акадэмічнага Тэатра балета Барыса Эйфмана. З Тэатрам Барыса Эйфмана выступаў на гастролях у Лінкальн-цэнтры (Lincoln Center), Нью-Ёрк.

З 2022 года - саліст балета Вялікага тэатра Беларусі.

Залаты бажок - "Баядэрка" Л.Мінкуса
Ведзьма - "Макбет" Дж.Вердзі, балетная партыя ў оперы
Ларэнца – "Рамэа і Джульета" С.Пракоф'ева
Яго сіяцельства - "Анюта" В.Гаўрыліна
Ротбарт - "Лебядзінае возера" П.Чайкоўскага
Бог – «Стварэнне свету» А.Пятрова
Персідскі, рускі танец – "Шчаўкунок" П.Чайкоўскага
Клод Фрало – «Эсмеральда» Ц.Пуні
Жаніхі прынцэсы (Чацверка кавалераў) – «Спячая прыгажуня» П.Чайкоўскага
Шахземан – "Шэхеразада" М. Рымскага-Корсакава