Вялікі тэатр Беларусi
Вялікі тэатр Беларусi
Вялікі тэатр Беларусi
Вялікі тэатр Беларусi
8 красавіка споўнілася б 80 гадоў народнаму артысту Беларусі Юрыю Бастрыкаву. У гэты дзень спектакль «Рыгалета» Джузепе Вердзі прысвечаны памяці знакамітага беларускага спевака.
Юрый Георгіевіч Бастрыкаў прысвяціў беларускаму тэатру больш за трыццаць гадоў творчай біяграфіі. Спявак бліскаў у драматычных, гераічных партыях, асабліва ў вердзіеўскіх операх. Адна з асноўных яго партый – Рыгалета ў аднайменнай оперы Джузепе Вердзі. Ён выконваў партыі Аманасра ў «Аідзе», Радрыга ў «Дон Карласе», Жэрмона ў «Травіяце», Рэната ў оперы «Баль-маскарад».
Моцны і выразны голас шырокага дыяпазону ў спалучэнні з яркім артыстызмам дазвалялі выканаўцу ствараць запамінальныя шмапланавыя вобразы. У яго рэпертуары – партыі Фігара ў оперы «Вяселле Фігара» Вольфганга Амадэя Моцарта і Эскамільё ў «Кармэн» Жоржа Бізэ, Валянцін ў «Фаўсце» Шарля Гуно, Скарпіа ў «Тосцы» і Шарплес у «Мадам Батэрфляй» Джакама Пучыні. У «Казках Гофмана» Жака Афенбаха спявак выканаў партыі Ліндорфа, Капеліуса, Дапертута, Міракля.
Яго незвычайны, магутны драматычны барытон гучаў у операх рускіх кампазітараў. Ён спяваў Ігара Святаславіча ў оперы «Князь Ігар» Аляксандра Барадзіна, Гразнога і Царэвіча Афрона ў «Царскай нявесце» і «Залатым пеўнічке» Мікалая Рымскага-Корсакава, Шаклавітага ў «Хаваншчыне» Мадэста Мусаргскага, Томскага, Ялецкага і Роберта ў «Пікавай даме» і «Іаланце» Пятра Чайкоўскага, Стэніо, Напалеона і Дзянісава ў операх «Мадалена» і «Вайна і свет» Сяргея Пракоф'ева і інш.
Спявак бліскуча выконваў галоўныя партыі ў операх беларускіх кампазітараў: «Зорка Венера» Юрыя Семянякі і «Андрэй Касценя» Мікалая Аладава, «Джардана Бруна» і «Візіт дамы» Сяргея Картэса, «Галька» Станіслава Манюшкі і «Сцежкаю жыцця» Генрыха Вагнера, «Дзікае паляванне караля Стаха» Уладзіміра Солтана і «Князь Наваградскі» Андрэя Бандарэнка.
