Навiны

Песні Вялікай краіны

 

 

 

 

 

Струнны квінтэт «Серэнада» нарадзіўся 15 гадоў таму: дзве скрыпкі, альт, віяланчэль і басэтля. Ідэя стварэння калектыву належыць заслужанай артыстцы Рэспублікі Беларусь Таццяне Траццяк. Яна - мастацкі кіраўнік, аўтар аранжыровак музычных твораў, ідэйны натхняльнік і "матор" "Серэнады".

 

На працягу ўсяго сезона 2021/22 артысты ў Камернай зале, якая ўжо стала роднай для іх, радавалі гледачоў цікавымі праграмамі. І вось 25 верасня Таццяна Траццяк і «Серэнада» зноў цешаць нас канцэртам – «Песні Вялікай краіны».

 

Знакамітыя вальсы - А. Пятрова з кінакамедыі "Сцеражыся аўтамабіля", Я. Догі з драмы "Мой ласкавы і далікатны звер", "Беларускі танец" з "Палескай сюіты" Я. Глебава, марш І. Дунаеўскага з "Вясёлых рабят", а таксама песні, якія знаёмыя, мабыць, усім: "Кандышы", "Цёмная ноч", "Песенька аб добрым настроі", "На ганку тваім…", "Песня аб далёкай радзіме…", "Смуглянка", "Жураўлі", "Пяшчота", "Жураўлі на Палессе ляцяць…" , "Я сустрэў дзяўчыну", "Песня застаецца з чалавекам" і многія іншыя – прагучаць у гэты вечар. На сцэне - народныя артысты Беларусі Анастасія Масквіна і Уладзімір Громаў, заслужаныя артысткі Рэспублікі Беларусь Таццяна Траццяк і Аксана Якушэвіч, лаўрэат міжнародных конкурсаў Аляксандр Міхнюк, ну і вядома - струнны квінтэт "Серанада": Генрых Мацкевіч (скрыпка), Алена Макуца (скрыпка), Сяргей Траццяк (альт), Дзяніс Макарэвіч (віяланчэль), Павел Прыемка (кантрабас); Міхаіл Канстанцінаў (ударныя).

 

«Савецкія песні - гэта выдатная музыка ў спалучэнні з выдатнымі словамі, у якіх - дзіўная глыбіня і шчырасць. Мне здаецца, гэта тое, чаго нам так зараз не хапае…» – упэўнена Таццяна Траццяк.

Партнёры