Вялікі тэатр Беларусi
Вялікі тэатр Беларусi
Вялікі тэатр Беларусi
Вялікі тэатр Беларусi
|
Гаэтана Даніцэці
VIVA LA MAMMA!опера ў 2 дзеях Тэатральныя парадкі і беспарадкі
Рэкамендаваны ўзрост 12+ |
Даты спектакля
|
Лібрэта Даменіка Джылардоні па п'есах Антоніа Саграфі
Рэжысёр-пастаноўшчык, аўтар канцэпцыі сцэнічнага афармлення – Алена Медзякова
Выконваецца на рускай мове
Працягласць – 1 гадзіна 40 хвілін з адным антрактам
Прэм'ера – 12 снежня 2016 года
12
Гэта «опера аб оперы». На сцэне з'яўляецца... сцэна тэатра, на якой трупа рыхтуецца да прэм'еры вядомай оперы. Персанажы-артысты – прымадона Карыла, крыўдлівы і капрызны тэнар Гульельма, мецца-сапрана Даратэя, а таксама дэбютантка Луіджы, што засталася ў цені славы прымадоны – спачатку дзейнічаюць узгоднена, але паступова іх прафесійныя амбіцыі і асабістыя інтарэсы пачынаюць пераважаць над мэтай паставіць спектакль і выліваюцца ў серыю тэатральных інтрыг, любоўных гісторый і камічных сітуацый. Да абвастрэння сітуацыю даводзіць мама Агата, якая ўрываецца на сцэну з патрабаваннямі даць яе дачцы Луіджы галоўную ролю ў спектаклі.
Артысты сварацца, пастаноўка развальваецца на вачах. Але ў выніку мама Агата і ратуе становішча. Прэм'еры – быць.
Опера «Viva la mamma!» у любой краіне выконваецца, па традыцыі, на дзвюх мовах. Усе партыі – сольныя нумары і дыялогі герояў – гучаць у перакладзе на зразумелую публіцы мову, фрагменты оперы-seria, якую рэпеціруюць героі спектакля – на італьянскай.
