«Завея». Пушкін – Свірыдаў

У апошні дзень студзеня на сцэне малой залы гучыць Свірыдаў. Літаратурна-музычная кампазіцыя «Завея» аб'яднае ў сабе аповесць Аляксандра Пушкіна, музычныя ілюстрацыі Георгія Свірыдава да аднайменнага кінафільму, а таксама рамансы кампазітара на словы Міхаіла Лермантава, Сяргея Ясеніна, Аляксандра Блока, Віктора Гюго і інш.

– Наша жыццё напоўнена выпадковасцямі. Менавіта яны ствараюць ланцужок падзей, што чыніў нашы лёсы, – кажа рэжысёр лаўрэат міжнародных конкурсаў Дар'я Пататурка. – Аповесць Аляксандра Пушкіна «Завея» з цыклу «Аповесці нябожчыка Івана Пятровіча Белкіна» – пра каханне, якое, як і ўсё ў гэтым жыцці, з'яўляецца тады, калі мы яе не чакаем, і адтуль, адкуль мы і не падазравалі. Чароўнай, вытанчанай і душэўнай музыкай Георгія Свірыдава будзе працяты ўвесь канцэрт.

У гэты вечар 31 студзеня для вас спяваюць уладальнік медаля Францыска Скарыны Юрый Гарадзецкі, лаўрэаты міжнародных конкурсаў Марына Мароз і Дзяніс Янцэвіч. За раялем – лаўрэат міжнародных конкурсаў Таццяна Панасюк. Рэжысёра праекта Дар'ю Пататурка гледачы ўбачаць і ў ролі чытальніка.