Хор Дзіцячага музычнага тэатра-студыі Вялікага тэатра Беларусі заваяваў Гран-пры Міжнароднага конкурсу мастацтваў «Новорічне диво» (Чарнігаў-2021) у намінацыі "Вакал".
Мы ад усёй душы віншуем нашых таленавітых рабят! Жадаем далейшых творчых поспехаў! Асобныя словы падзякі – кіраўніку калектыву Алене Неронскай, хормайстру Алене Сакалоўскай і канцэртмайстру Таццяне Панасюк.
Гэтае «спаборніцтва» праходзіла ў фармаце анлайн. "Ave, Eva" з балета А. Пятрова "Стварэнне свету" і хор хлопчыкаў з оперы Ж. Бізэ "Кармэн" - запісы нумароў з гэтых твораў і былі адпраўленыя на конкурс. Відэа можна ўбачыць і пачуць тут: https://www.youtube.com/watch?v=2R9nZbkvEMo