Вялікі тэатр Беларусi
Вялікі тэатр Беларусi
Вялікі тэатр Беларусi
Вялікі тэатр Беларусi
Выпускніца Беларускай дзяржаўнай акадэміі музыкі (клас народнай артысткі Беларусі, прафесара Шыкуновай І.С.). У опернай студыі акадэміі выканала партыі Мікаэлы («Кармэн» Ж.Бізэ), Віялеты («Травіята» Дж.Вердзі), Чыо-Чыо-сан («Мадам Батэрфляй» Дж.Пучыні).
З 2014 года – салістка Нацыянальнага акадэмічнага Вялікага тэатра оперы і балета Рэспублікі Беларусь.
Актыўна канцэртуе, выступаючы ў праграмах Вялікага тэатра Беларусі і ў якасці запрошанай салісткі з вядучымі беларускімі калектывамі: з Дзяржаўным акадэмічным сімфанічным аркестрам Рэспублікі Беларусь, сімфанічным аркестрам Нацыянальнай тэлерадыёкампаніі Рэспублікі Беларусь, Дзяржаўным камерным хорам Рэспублікі Беларусь, Дзяржаўнай акадэмічнай харавой капэлай імя Р.Шырмы і інш.
Рэгулярна выступае з сольнымі праграмамі ў Камернай зале ім. Л.П.Аляксандраўскай: на працягу апошніх сезонаў былі прадстаўлены канцэрты "Канат над безданню" (вакальная музыка Р.Штраўса), "Споведзь жанчыны", "Чатыры сезоны кахання".
Партызанка, Сваха - "Патэтычны дзённік памяці" па творах беларускіх кампазітараў
Мілітрыса - "Казка пра цара Салтана", музычны спектакль па матывах оперы М.Рымскага-Корсакава
Тоска - "Тоска" Дж. Пучыні
Ліза - "Пікавая дама" П.Чайкоўскага
Саламея - "Саламея" Р.Штрауса
Сольвейг - "Пэр Гюнт" Э. Грыга (вакальная партыя ў балеце)
Іаланта - "Іаланта" П. Чайкоўскага
Мімі – "Багема" Дж. Пучыні
Таццяна - "Яўген Анегін" П. Чайкоўскага
Графіня - "Вяселле Фігара" В. А. Моцарта
Мікаэла, Мэрсэдэс – "Кармэн" Ж. Бізэ
Партыя саліруючага сапрана – "Карміна Бурана" К. Орфа
Віялета – "Травіята" Дж. Вердзі
Аіда - "Аіда" Дж. Вердзі
Чыа-Чыа-сан – "Мадам Батэрфляй" Дж. Пучыні
Недда – "Паяцы" Р. Леанкавала
Лэдзі Макбет - "Макбет" Дж. Вердзі
Канцэртны рэпертуар уключае сольныя партыі ў творах кантатна-аратарыяльнага жанру, рамансы ("Альбомчык" В.Гаўрыліна, "З яўрэйскай народнай паэзіі" Д.Шастаковіча, Рэквіем Г. Фарэ, Рэквіем Дж. Вердзі, Нямецкі рэквіем С. Брамса, "Карміна Бурана" К. Орфа, "Месія" Г. Ф. Гендэля, Магніфікат, Страсці па Матфею, Страсці па Іаану І. С. Баха і інш.).
Выступала на найбуйнейшых сцэнах еўрапейскіх канцэртных залаў у Іспаніі, Партугаліі, Бельгіі, Італіі, Францыі, Германіі.
Гастралявала з такімі музычнымі калектывамі як Камерны аркестр Калінінградскай філармоніі (Расія), Балгарскі сімфанічны аркестр (Балгарыя), сімфанічны аркестр Саратаўскай філармоніі (Расія), заслужаны акадэмічны сімфанічны аркестр Украінскага радыё, Сімфанічны аркестр Нацыянальнай філармоніі "Сяргей Лункевіч" (Малдова).
