Вялікі тэатр Беларусi
Вялікі тэатр Беларусi
Вялікі тэатр Беларусi
Вялікі тэатр Беларусi
Міжнародны саюз музычных дзеячаў у межах святкавання 100-годдзя з дня нараджэння народнай артысткі СССР Ірыны Архіпавай уручыў у Маскве Юбілейны залаты медаль генеральнаму дырэктару Вялікага тэатра Беларусі Кацярыне Дулавай.
Уручыла медаль Дзіяна Іосіфаўна Берлін, першы намеснік Старшыні праўлення Міжнароднага саюза музычных дзеячаў, заслужаны дзеяч мастацтваў Расіі.
Нагадаем, у сакавіку Вялікі тэатр Беларусі быў узнагароджаны Юбілейным залатым медалём Міжнароднага саюза музычных дзеячаў.
У 2025 годзе ўвесь музычны свет адзначае гэтую дату – 100 гадоў з дня нараджэння Ірыны Архіпавай, адной з самых яркіх фігур у гісторыі опернага тэатра. Міжнародны саюз музычных дзеячаў, які заснавала і больш за 30 гадоў узначальвала Ірына Канстанцінаўна, стаў арганізатарам мноства музычных фестываляў і конкурсаў, у тым ліку – Міжнароднага конкурсу вакалістаў імя М. І. Глінкі.
На працягу юбілейнага года медалямі будуць узнагароджвацца выдатныя музычныя дзеячы, а таксама расійскія і замежныя оперныя тэатры.
У 1980-90-я Ірына Архіпава была частым госцем Вялікага тэатра Беларусі. На беларускай сцэне оперная дзіва не раз выступала, удзельнічала ў фестывалях і сама была арганізатарам надзвычай цікавых праектаў, такіх як: Усесаюзны фестываль майстроў опернага і балетнага мастацтва, Фестываль лаўрэатаў Міжнароднага конкурсу імя П. І. Чайкоўскага і інш.
У снежні 2025-га канцэрт лаўрэатаў XXVII Міжнароднага конкурсу вакалістаў імя М. І. Глінкі пройдзе ў межах Мінскага міжнароднага Каляднага опернага форуму ў Вялікім тэатры Беларусі. Гэты канцэрт стане часткай маштабнага тура, які пачаўся ў сакавіку і прысвечаны юбілею вялікай рускай спявачкі Ірыны Архіпавай.
