Вялікі тэатр Беларусi
Вялікі тэатр Беларусi
Вялікі тэатр Беларусi
Вялікі тэатр Беларусi
1 мая калектыў Вялікага тэатра Беларусі прадставіць у Мемарыяльным комплексе "Брэсцкая крэпасць-герой” “Патэтычны дзённік памяці” – тэатральнае прадстаўленне ў сінтэтычным жанры з рысамі оперы, араторыі, сімфоніі, балета, пластычнай драмы, містэрыі, мультымедыйнага светлавога шоу. Пастаноўка створана ў год 80-годдзя вызвалення Беларусі ад нямецка-фашысцкіх захопнікаў на аснове твораў беларускіх кампазітараў і дакументальных сведчанняў трагедыі і гераізму беларускага народа ў гады Вялікай Айчыннай вайны.
Пачатак спектакля ў 20:30. Уваход вольны.
– Гэты праект − нацыянальны культурны код. Сёння без гістарычнай памяці і без перадачы гэтай памяці наступным пакаленням мы не ўяўляем ніводнай хвіліны свайго існавання. Таму, калі паўстала пытанне аб стварэнні гэтага твора, у першую чаргу мы падумалі пра тое, што гэта павінна быць вельмі сур'ёзная кампазіцыя, якая стане своеасаблівым манументам памяці людзям, якія прайшлі Вялікую Айчынную вайну, – лічыць рэжысёр-пастаноўшчык спектакля Ганна Маторная.
У праекце заняты ўсе калектывы тэатра: трупы оперы, балета, хору, міманса, дзіцячага музычнага тэатра-студыі – больш за 250 чалавек. 1 мая ў галоўных партыях гледачы пачуюць народных артыстаў Беларусі Анастасію Масквіну, Станіслава Трыфанава, Уладзіміра Громава і інш.
За дырыжорскім пультам – галоўны дырыжор Вялікага тэатра Беларусі, народны артыст Рэспублікі Башкартастан Арцём Макараў.
