Вялікі тэатр Беларусi
Вялікі тэатр Беларусi
Вялікі тэатр Беларусi
Вялікі тэатр Беларусi
17 мая, перад пачаткам балета "Вітаўт" у фае тэатра гледачы змогуць убачыць і пачуць гучанне старадаўняй беларускай дуды. На міні-выставе будуць прадстаўлены рэканструіраваныя інструменты з музея Беларускага дзяржаўнага універсітэта культуры і мастацтваў і асабістай калекцыі кандыдата мастацтвазнаўства, майстра і папулярызатара Аляксандра Сурбы, які выступіць перад гледачамі.
Аляксандр Сурба займаецца вывучэннем, аднаўленнем і папулярызацыяй беларускай дуды (валынкі). Рэканструіраваныя ім прылады знаходзяцца ў музейных калекцыях у Расіі, Вялікабрытаніі і, вядома ж, у музеях Беларусі. Аляксандр выкладае ва ўніверсітэце культуры і, акрамя інтэнсіўнай навуковай працы, ён з'яўляецца захавальнікам універсітэцкага музея старадаўніх інструментаў.
Майстар распавядае, што, грунтуючыся на беларускім фальклоры і традыцыйнай міфалагізаванай культуры, можна сказаць, што беларуская дуда значна старажытная, чым інструменты Заходняй Еўропы і шатландская дуда, у тым ліку. Але, на жаль, у сярэдзіне ХХ стагоддзя беларуская дуда практычна знікла з музычнай культуры і нідзе не згадвалася. Аднак сёння, дзякуючы намаганням захопленых людзей, інструмент перажывае свой рэнесанс – ужо існуе тры пакаленні майстроў, якія вывучаюць, аднаўляюць, удасканальваюць беларускую дуду.
«На выставе ў Вялікім тэатры мы прадставім некалькі інструментаў з калекцыі нашага музея, створаныя як рэканструкцыя інструмента па фатаграфіях, і самі фатаграфіі старадаўніх інструментаў, што не захаваліся, – распавядае Аляксандр Сурба. – Падчас свайго выступлення я прадстаўлю некалькі інструментаў і з асабістай калекцыі, іканаграфічныя і фатаграфічныя матэрыялы, раскажу пра сучасны стан дударскай культуры ў Беларусі, Польшчы, Швецыі, Францыі, Шатландыі, Германіі і т. д. Музыканты з фольку-гурт "Млын сонца" выканае кампазіцыі з дудой са свайго рэпертуару. Думаю, што публіка збярэцца па-сапраўднаму зацікаўленая, будуць добрыя пытанні і, адпаведна, атрымаецца цікавая дыскусія».
Пачатак праграмы "Беларускія дуды" – а 18.15 у фае тэатра.
