Навiны

Тэнар з Львова

12 кастрычніка мы ўбачым украінскага тэнара ў ролі Рычарда ў оперы «Баль-маскарад», а 14-га - у вобразе Герцага ў яшчэ адным несумненным шэдэўры Дж. Вердзі «Рыгалета».

На 2-м Мінскім міжнародным Калядным конкурсе вакалістаў саліст Львоўскай оперы атрымаў Першую прэмію і Прыз глядацкіх сімпатый. І ўжо асвоіўся на сцэне Вялікага тэатра Беларусі - усё ж такі выступае ў нас не ўпершыню. «У Мінску адчуваю сябе як дома. Не, нават не так: я - дома, - усміхаецца ўкраінскі тэнар. - Напэўна, і я палюбіўся беларускай публіцы, калі атрымаў у вас вышэйшую ўзнагароду - Прыз глядацкіх сімпатый...»І гэта лішні раз сцвярджаюць апладысменты, якія неаднойчы зрываў на сцэне Вялікага тэатра Міхаіл.

12 кастрычніка лініі сапраўднага кахання і дружбы цесна пасплятаюцца з палітычнымі гульнямі ў оперы «Баль-маскарад» Джузэпэ Вердзі. У вобразе Рычарда ў гэтай «самай меладраматычнага з усіх меладрам» выйдзе Міхаіл Малафій. «Партыя Рычарда сапраўды вялікая і складаная, - прызнаецца Малафій. - Але я яе люблю, бо на мой голас яна кладзецца добра - і я яе вытрымліваю да канца... »І ўжо 14 кастрычніка ўкраінскі тэнар ператворыцца ў распусанага злыдня - Герцага Мантуанского - у оперы«Рыгалета».

«Дарэчы, навукоўцы даказалі, - смяецца Міхаіл, - калі пасля выступу тэнара вы крычыце«Брава!», гэта вельмі дабратворна ўплывае на ваш арганізм. Так што чакаю вас 12 і 14 кастрычніка ў Вялікім тэатры Беларусі - паспрабую сваім спевам падарыць вам радасць, бо нішто не лечыць душу так, як музыка...»