Вялікі тэатр Беларусi
Вялікі тэатр Беларусi
Вялікі тэатр Беларусi
Вялікі тэатр Беларусi
18 верасня свае дзверы для аматараў прыгожага зноў расчыніць Камерная зала імя Л.П. Александроўскай, адкрываючы свой васямнаццаты сезон. Тады, у 2009-м, утульная малая сцэна называлася Музычнай гасцёўняй.
Дарэчы, праграма «Шэдэўры оперы» заўсёды карысталася неймаверным поспехам у гледачоў. Упэўнены, што гэты вечар не стане выключэннем. На сцэне – вядучыя салісты оперы Вялікага тэатра: заслужаная артыстка рэспублікі Таццяна Траццяк (сапрана), уладальнік медаля Францыска Скарыны Дзмітрый Шабеця (тэнар), лаўрэаты міжнародных конкурсаў Марыя Галкіна (сапрана), Анастасія Міхнавец (сапрана), Дар’я Гаражанка (мецца-сапрана), Кацярына Міхнавец (мецца-сапрана), Андрэй Логвінаў (барытон), Кірыл Панфілаў (барытон), Уладзіслаў Зазулька (бас), Руслан Маспанаў (бас), Андрэй Сялюцін (бас). За раялем – лаўрэат міжнародных конкурсаў Анастасія Дубоўская.
На канцэрце «Шэдэўры оперы» (рэжысёр – Наталля Кузьмянкова) можна будзе не толькі пачуць арыі, якія рэдка выканваюцца, але і па-новаму адкрыць для сябе любімых артыстаў, бо на вялікай сцэне гледачы яшчэ не чулі многіх салістаў у гэтых партыях.
У праграме – адны з самых прыгожых твораў сусветнай оперы: арыя Лорыса з драмы «Федора» У. Джардана, арыя Прынцэсы дэ Буйон з оперы «Адрыена Лекуврэр» Ф. Чылеа, арыя Леаноры з «Трубадура» Дж. Вердзі, арыя Варажскага госця з «Садко» М. Рымскага-Корсакава, арыя Таіс з оперы Ж. Маснэ, арыя Бартала з камедыі «Вяселле Фігара» В.А. Моцарта, арыя Далілы з біблейскай гісторыі пра Самсона і Далілу К. Сен-Санса, арыя Мефістофеля з оперы А. Бойта, арыя Каварадосі з драмы «Тоска» Дж. Пучыні і многія іншыя.
Падрыхтавала А.Балабановіч
Дата публікацыі: 17.07.2026
