Лібрэта Рыхарда Вагнера
Дырыжор-пастаноўшчык – Манфрэд Майрхофер
Рэжысёр-пастаноўшчык – Ханс-Ёахім Фрай
Мастак-пастаноўшчык – заслужаны дзеяч мастацтваў Расіі Віктар Вольскі
Хормайстар-пастаноўшчык – народная артыстка Беларусі, лаўрэат Дзяржаўнай прэміі Рэспублікі Беларусь Ніна Ламановіч
Мастак па касцюмах – Марыя Вольская
Мастак па святлу – Алена Капунова
Камп’ютарная графіка – Алена Ахрэменка
Дырыжоры – народны артыст Рэспублікі Башкартастан Арцём Макараў, Уладзімір Авадок
Выконваееца на нямецкай мове з рускімі субтытрамі
Працягласць – 3 гадзіны з двума антрактамі
Прэм'ера – 10 снежня 2013 года

1-я дзея
Падчас страшнай буры каманду нарвежскага марака Даланда закідвае ў бухту ля скалістых берагоў. Раптам удалечыні паказваецца таямнічы карабель — "Лятучы галандзец". На бераг павольна спускаецца яго капVтан, пракляты за гардыню і асуджаны на вечныя вандраванні. Кожныя сем гадоў сыходзіць ён на зямлю ў пошуках той, чые каханне вызваліць яго ад праклёну. Але дарэмна — нідзе не знаходзіць ён вернага сэрца, і зноў падымае ветразі яго прывідны карабель. Ні на зямлі, ні ў акіяне Галандцу не знайсці збавення.
Незнаёмы просіць прытулку ў Даланда, прапаноўваючы яму незлічоныя скарбы. Той рады нагоды разбагацець і ахвотна згаджаецца выдаць за марака сваю дачку Сэнту. Надзея загараецца ў душы Галандца — можа быць, каханне гэтай дзяўчыны дасць яму жаданы спакой. Радасна вітаючы спадарожны вецер, нарвежскія матросы рыхтуюцца да адплыцця. Галандзец накіроўваецца за імі.

2-я дзея
У доме Даланда сяброўкі Сэнты весела чакаюць вяртання карабля. Сэнта ж захоплена думкамі пра Галандца, з дзяцVнства ёй у душу запала легенда пра таямнічы карабель праклятага капітана. Ахопленая парывам, яна горача жадае сустрэчы з Галандцам і клянецца зняць з яго заклён.

З'яўляецца Эрык з навіной аб прыбыцці карабля Даланда. Эрык закаханы ў Сэнту і чакае ад яе згоды выйсці за яго замуж. Уражаны ўсхваляванымі словамі Сэнты, ён распавядае пра свой злавесны сон — аднойчы ў іх бухту прычаліў чужой карабель, з якога сышлі на бераг двое –– Даланд і незнаёмы. Сэнта выбегла ім насустрач і горача абняла незнаёмца. Цяпер дзяўчына ўпэўнена, што яе чакае сустрэча з Галандцам. Эрык адчайна спрабуе заклікаць да розуму Сэнты і абяцае ажаніцца на ёй, але ўсе яе думкі толькі пра капітана праклятага карабля.

Гутарку Сэнты і Эрыка перапыняе прыход Даланда і Галандца. Бацька радасна распавядае пра свае планы выдаць Сэнту замуж за госця: ён не пашкадуе для яе падарункаў і будзе добрым мужам. Скамянелыя Сэнта і Галандзец ня зводзяць вачэй адзін з аднаго. Пасля гарачага прызнання ў каханні Даланд бласлаўляе пару.

3-я дзея
Нарвежскія маракі святкуюць паспяховае вяртанне. Некалькі разоў яны спрабуюць зазваць да сябе каманду галандскага карабля, але запрашэнні застаюцца без адказу. Матросы Даланда смяюцца з таямнічага экіпажа і палохаюць дзяўчат апавяданнямі пра "Лятучага галандца". Раптам на моры пачынаецца бура, і з палубы прывіднага карабля даносяцца дзікія спевы. Нарвежцы беспаспяхова імкнуцца заглушыць яго вясёлай песняй, затым у страху разбягаюцца.

Эрык, які даведаўся пра заручыны, моліць Сэнту адмовіцца ад яе гарачага захаплення і адказаць на яго каханне. Але дзяўчына не слухае яго: яна дала клятву, яе кліча вышэйшы абавязак. Тады Эрык нагадвае ёй пра дні, праведзеныя разам, пра ўзаемныя прызнанні. Іх размову чуе Галандзец. Ён прыходзіць у лютасць — значыць, Сэнта, як і ўсе іншыя жанчыны, няверная і яму не знайсці спакою! Нягледзячы на ўсе яе просьбы, Галандзец загадвае сваім матросам рыхтавацца да адплыцця і падымаецца на борт карабля, каб зноў адправіцца ў бясконцыя вандраванні. Але Сэнта цвёрдая ў сваім рашэнні выратаваць таго, каму паклялася ў вернасці. Яе каханне збаўляе Галандца ад праклёну.