Вялікі тэатр Беларусi
Вялікі тэатр Беларусi
Вялікі тэатр Беларусi
Вялікі тэатр Беларусi
ГЕНЕРАЛЬНЫ ПАРТНЁР ПРАЕКТА
ПАРТНЁРЫ ПРАЕКТА
Гісторыя Самсона, магутнага ваяўніка, пераможанага жаночым падступствам, - самая знакамітая опера французскага кампазітара К. Сен-Санса "Самсон і Даліла" - упершыню з'явіцца ў афішы Вялікага тэатра Беларусі. Адметна, што гэты спектакль адкрые XI Мінскі міжнародны Калядны оперны форум 14 снежня.
Пастановачную групу ўзначалілі дырыжор Алег Лясун і рэжысёр Аксана Волкава. Мастаком-пастаноўшчыкам (сцэнаграфія і касцюмы) выступіла лаўрэат расійскай нацыянальнай тэатральнай прэміі "Залатая маска" Этэль Іошпа, за святло і відэакантэнт адказвае лаўрэат расійскай нацыянальнай тэатральнай прэміі "Залатая маска" Стас Свістуновіч. (Этэль і Стас ужо працавалі з Волкавай над яе дэбютным спектаклем у Вялікім - операй-балетам "Вілісы. Фатум" на музыку Дж. Пучыні.) Хармайстар-пастаноўшчык - народная артыстка Беларусі Ніна Ламановіч, балетмайстар-пастаноўшчык - лаўрэат міжнародных конкурсаў. “Спадзяюся, сумеснымі намаганнямі каманды пастаноўшчыкаў і выканаўцаў мы зробім працу, цікавую нашай публіцы…” – гаворыць заслужаная артыстка Рэспублікі Беларусь Аксана Волкава.
Нагадаем, што сама спявачка выходзіла ў вобразе Далілы ў Нацыянальным цэнтры выканальніцкіх мастацтваў у Пекіне, у 2014-2015 гг. у Кітаі прайшла серыя спектакляў з удзелам беларускай опернай прымы. Як прызнаецца сама Аксана, тады яна і падумаць не магла, што ёй давераць такую адказную і каласальную працу - увасобіць шэдэўр К. Сен-Санса на сцэне роднага тэатра.
Цяпер раніцай і ўвечар у тэатры ідуць рэпетыцыі. Плануецца, што галоўныя партыі выканаюць Аксана Волкава, Аксана Якушэвіч, Кацярына Міхнавец (Даліла), Аляксей Мікуцель, Тарас Прысяжнюк, Дзмітрый Шабеця (Самсон), Уладзімір Громаў, Станіслаў Трыфанаў, Дзяніс Янцэвіч (Вярхоўны жрэц), Васіль Кавальчук, Андрэй Сялюцін (Абемелех), Дзмітрый Капілаў, Аляксандр Кеда, Алег Мельнікаў (Стары габрэй), Аляксандр Краснадубскі, Павел Трафімік, Дзмітрый Трафімук, Юрый Балоцька, Аляксандр Гелах, Васіль Мінгалёў (філістымляне).
Другі паказ оперы таксама пройдзе ў рамках Опернага форума-2021 - 15 снежня.
Каса: +375 17 334-10-41
