Вялікі тэатр Беларусi
Вялікі тэатр Беларусi
Вялікі тэатр Беларусi
Вялікі тэатр Беларусi
Гісторыя Самсона, магутнага ваяўніка, пераможанага жаночым падступствам, – самая знакамітая опера французскага кампазітара К. Сен-Санса "Самсон і Даліла" – упершыню з'явілася ў афішы Вялікага тэатра Беларусі 14 снежня. Спектакль адкрыў XI Мінскі міжнародны Калядны оперны форум.
Пастановачную групу ўзначалілі дырыжор Алег Лясун і рэжысёр Аксана Волкава. Мастакамі-пастаноўшчыкамі выступілі лаўрэаты расійскай нацыянальнай тэатральнай прэміі "Залатая маска" Этэль Іошпа (сцэнаграфія і касцюмы) і Стас Свістуновіч (святло і відэакантэнт). (Этэль і Стас ужо працавалі з Волкавай над яе дэбютным спектаклем у Вялікім – операй-балетам "Вілісы. Фатум" на музыку Дж. Пучыні.) Хармайстар-пастаноўшчык – народная артыстка Беларусі Ніна Ламановіч, балетмайстар-пастаноўшчык – лаўрэат міжнародных конкурсаў Сяргей Мікель.
25 студзеня ў оперы «Самсон і Даліла» загалоўныя партыі ўпершыню выканаюць Аляксей Мікуцель і Аксана Якушэвіч; у гэты вечар на сцэну таксама выйдуць Дзяніс Янцэвіч (Вярхоўны жрэц), Аляксандр Кеда (Стары габрэй), Васіль Кавальчук (Абемелех), Васіль Мінгалёў і Аляксандр Краснадубскі (філістымляне), Андрэй Мацюшонак (Ганец). За дырыжорскім пультам – Алег Лясун.
Каса: +375 17 243-10-41
