Вялікі тэатр Беларусi
Вялікі тэатр Беларусi
Вялікі тэатр Беларусi
Вялікі тэатр Беларусi
Вось ужо ў 12-ы раз у ноч з 13 на 14 студзеня ў Вялікім пройдзе Навагодні баль. Фармат свята прыемна здзівіць нават нашых пастаянных гледачоў: танцаў будзе больш. Але галоўнае - тыя, хто вырашыць прыняць удзел у асноўнай праграме балю і, купіўшы квіток, будзе хадзіць на рэпетыцыі, змогуць выступіць... на галоўнай сцэне тэатра! Менавіта пра гэты сюрпрыз і распавяла Юлія Дзятко. Для заслужанай артысткі Рэспублікі Беларусь гэта будзе ўжо пяты баль, у падрыхтоўцы якога яна прымае ўдзел. Гэты, юбілейны, безумоўна, стане для Юліі асаблівым.
Паланэз, Контрданс, тры розных вальса, полька, дзве кадрылі - французская і Вірджынскага - такія танцы Юлія Дзятко заявіла для асноўнай праграмы балю. Яна будзе складацца з двух аддзяленняў. У антракце ў фае таксама будзе гуляць аркестр - і гледачы змогуць, ужо ў вольнай форме, прайсціся, напрыклад, у вальсе. Дарэчы, самыя розныя цікавыя забаўляльныя мерапрыемствы будуць працаваць у фае, пачынаючы з 8 гадзін вечара. І да вашага ведама, што Навагодні баль будзе доўжыцца да гадзіны ночы.
Плануецца, што асноўная танцавальная праграма балю будзе перамяжоўвацца з яркімі вакальнымі і балетамі ў выкананні зорак тэатра. Гэта значыць, ва ўдзельнікаў будзе унікальная магчымасць быць на адной сцэне з прызнанымі мэтрамі Вялікага.
- Традыцыйна права на ўдзел у рэпетыцыях дае набыты квіток на Вялікі навагодні баль. Рашэнне пра свой удзел у праграме балю мы просім прыняць у самым пачатку рэпетыцыйнага працэсу, пажадана да 1 снежня, - удакладніла Юлія Дзятко. - І яшчэ адзін важны, я б сказала, прынцыповы момант: у жанчын павінны быць бальныя сукенкі ў падлогу. Для мужчын - фракі, смокінгі або прыгожыя элегантныя касцюмы. Таксама неабходна ўлічыць, што партнёры для танца не прадастаўляюцца.
Застаецца дадаць, што над 12-м Навагоднім балем у Вялікім працуюць: дырыжоры - Іван Касцяхін, Алег Лясун; рэжысёр забаўляльных праграм у фае тэатра - Дар'я Пататурка, рэжысёр канцэртных нумароў на сцэне - Наталля Кузьмянкова; рэжысёр канцэртных праграм у камернай зале імя Л.П. Александроўскай - Алена Медзякова; мастакі Кацярына Булгакава, Кацярына Шымановіч; галоўны хормайстар - народная артыстка Беларусі Ніна Ламановіч.
Звярніце ўвагу:
Даты танцавальных рэпетыцый ўдакладняюцца і зусім хутка будуць у адкрытым доступе на сайце тэатра. Просьба на ўсе рэпетыцыі прыходзіць у масках!
