Вялікі тэатр Беларусi
Вялікі тэатр Беларусi
Вялікі тэатр Беларусi
Вялікі тэатр Беларусi
22 верасня мы апынемся не ў камернай зале тэатра, а, напрыклад, на вулачках Манмартра, дзе гучаць песні Эдыт Піаф, Мірэй Мацье, Джо Дасэна. Канцэрт «Вітаем, Францыя!» нам падораць салісты оперы заслужаная артыстка Рэспублікі Беларусь Алена Сало, дыпламант міжнароднага конкурсу Павел Трафімік, канцэртмайстар лаўрэат міжнароднага конкурсу Таццяна Іванова і рэжысёр Наталля Кузьмянкова. Ўпэўненыя, гэтая праграма падорыць самыя светлыя эмоцыі.
– Гукі французскай мовы нагадваюць шэпт закаханых, можа быць, таму, калі кажуць аб ўзнёслых пачуццях, рамантыцы, адразу ж на розум прыходзіць Францыя, краіна кахання, архітэктуры, высокай кухні, вытанчаных водараў і, вядома, выдатнай музыкі, – прызнаецца Алена Сало. Дарэчы, спявачка паспрабуе прыўнесці ў канцэрт сапраўдную атмасферу французскіх вулачак – згуляе на акардэоне. "Аркестр ў кішэні" – так называлі гэты інструмент. – Дзякуючы музыцы я і закахалася ў гэтую краіну, апісаць усю палітру фарбаў якой наўрад ці магчыма. Мне здаецца, французы блізкія нам эмацыйна – яны такія ж адчувальныя і захопленыя... Разважаючы над канцэртам, вырашыла, што праграма будзе напоўнена мелодыямі, прысвечанымі не толькі Парыжу, але і ўсёй краіне. Упэўненая, многія знойдуць у знаёмых, здавалася б, творах новыя фарбы... Гэтая тонкая музыка – нібы вытанчаныя старадаўнія ўпрыгажэнні, аналагаў якой проста няма. Яна заўсёды захапляе...
