Вялікі тэатр Беларусi Вялікі тэатр Беларусi Вялікі тэатр Беларусi

Архiў навiн

Летні баль Уршулі ў Нясвіжы

Падрабязнасці
Катэгорыя: Архiў навiн

 

ПАРТНЁРЫ ПРАЭКТУ

 

 

 

19 чэрвеня заключны гала-канцэрт зорак оперы і балета Вялікага тэатра Беларусі ў Нясвіжы ператворыцца ў сапраўдны Летні баль Уршулі Радзівіл. На свята музыкі і танцаў запрашае рэжысёр-пастаноўшчык гэтага дзейства – уладальнік медаля Францыска Скарыны Галіна Галкоўская. «Гэта будзе вечар, напоўнены прыгожай музыкай, цікавымі харэаграфічнымі нумарамі, але галоўнае – сапраўднымі пачуццямі і эмоцыямі, якія падораць гледачам нашы таленавітыя артысты», – кажа Галіна Леанідаўна. Упэўненыя, нядзельны тэатральна-музычны вечар запомніцца публіцы. Бо мы ўсе станем гасцямі балю самой Уршулі Радзівіл, заснавальніцы беларускага тэатра, і яе мужа Міхала Казіміра па мянушцы «Рыбанька». Арыі, куплеты, танцы, вершы, хоры – усё гэта стане своеасаблівым «падарункам» знакамітым уладальнікам замка.

 

Подарочный сертификат


У выкананні артыстаў балета мы ўбачым урачысты паланез з «Бахчысарайскага фантана», вясёлую мазурку і іспанскі танец з «Лебядзінага возера». Салісты оперы народныя артысты Беларусі Ніна Шарубіна і Уладзімір Громаў, заслужаная артыстка рэспублікі Алена Бундзелева, Таццяна Пятрова, Марыя Галкіна, Вольга Маліноўская, Алена Золава, Дзмітрый Шабеця, Аляксандр Міхнюк, Аляксандр Гелах, Андрэй Сялюцін, Юрый Балацько, Дзмітрый Капілаў, Дзяніс Янцэвіч, Андрэй Мацюшонак выканаюць самыя вядомыя арыі і дуэты з опер «Руслан і Людміла» М.Глінкі, «Яўген Анегін», «Чарадзейка» і «Іаланта» П.Чайкоўскага, «Дон Жуан» В.А.Моцарта, «Трабадур» і «Макбет» Дж. Вердзі, «Лючыя ды Ламермур» Г. Даніцэці. Народныя артысты Беларусі Ірына Яромкіна, Ігар Артамонаў, заслужаныя артысты рэспублікі Марына Вежнавец, Людміла Хітрова, Антон Краўчанка, Юрый Кавалёў, Алег Яромкін будуць ззяць у балетных нумарах са «Спячай прыгажуні» і «Шчаўкунка» П.Чайкоўскага, «Эсмеральда» Ц.Пуні і інш. Безумоўна, у рэзідэнцыі магутнага магнацкага роду Беларусі будзе гучаць і беларуская музыка – Уладзіміра Солтана і Станіслава Манюшкі. Дырыжор – Алег Лясун.

 


Гэта будзе яркае касцюміраванае дзейства. Але хто выйдзе ў галоўных ролях – Уршулі і «Рыбанькі»?.. Убачым увечары 19 чэрвеня. Да сустрэчы ў Нясвіжы!

0
0
0
s2sdefault

Партнёры