Вялікі тэатр Беларусi
Вялікі тэатр Беларусi
Вялікі тэатр Беларусi
Вялікі тэатр Беларусi
Гэты канцэрт выклікаў вялікі рэзананс сярод прыхільнікаў сапраўднага музычнага мастацтва. Для тых, хто не паспеў патрапіць на гэтую праграму ў лютым, і для тых, хто хацеў бы стаць сведкам сапраўднага харавога спектакля яшчэ раз, - Вялікі тэатр Беларусі ў свой юбілейны год паўтарае праграму "Шэдэўры харавой опернай музыкі" 11 красавіка.
"Снягурачка" Мікалая Рымскага-Корсакава, "Кветка шчасця" Аляксея Туранкова, "Аскольдава магіла" Аляксея Верстоўскага, "Барыс Гадуноў" Мадэста Мусаргскага, "Алека" Сяргея Рахманінава, "Пікавая дама" Пятра Чайкоўскага, "Атэла", "Травіята" Джузепе Вердзі, "Сельскі гонар" П'етра Масканьі, "Кармэн" Жоржа Бізэ - знакамітыя хоры і сцэны з гэтых узрушаючых музычных палотнаў ва ўсёй іх пышнасці выканае хор Вялікага тэатра.
Рэжысёр-пастаноўшчык сапраўднага свята музыкі - уладальніца медаля Францыска Скарыны Галіна Галкоўская. За дырыжорскім пультам Сімфанічнага аркестра ўбачым Юрыя Караваева.
«Ці можна ўявіць Оперны тэатр без хору? Канечне не! – усміхаецца народная артыстка Беларусі, галоўны хормайстар Вялікага тэатра Ніна Ламановіч. - Харавы калектыў - гэта прыгожыя галасы, чысціня інтанацый, рытмічная дакладнасць, выразнасць выканання, высокі прафесіяналізм артыстаў, якія праз спевы павінны перадаць розныя пачуцці і эмоцыі. Менавіта таму хор на сцэне – самая сапраўдная дзейная асоба… У рэпертуары тэатра – каля 40 опер на мове арыгінала. Я люблю кожную пастаноўку! І люблю ўсе спектаклі, якія ствараю. Бо гэты "будынак" я будавала не адзін дзясятак гадоў, а як можна без трапятання ставіцца да сваёй працы?.. Ды і наогул, штосьці рабіць без кахання - немагчыма. Ёсць асаблівыя для мяне пастаноўкі – оперы Вердзі, напрыклад, вялізныя харавыя палотны…»
Дададзім, што ў гэты вечар на сцэну таксама выйдуць народныя артысты Беларусі Ніна Шарубіна і Сяргей Франкоўскі, уладальнік медаля Францыска Скарыны Дзмітрый Шабеця, артысты міманса, балета і Дзіцячага музычнага тэатра-студыі.
