Архiў навiн

Мiнск – Уфа

З 26 па 28 чэрвеня ва Уфе праходзіць X форум рэгіёнаў Расіі і Беларусі. У рамках форуму генеральны дырэктар Вялікага тэатра Беларусі Кацярына Дулава і генеральны дырэктар Башкірскага дзяржаўнага тэатра оперы і балета Аляксандр Аляксееў падпісалі Мемарандум, які змацоўвае дамоўленасці аб двухбаковым узаемавыгадным супрацоўніцтве дзеля эфектыўнага развіцця і ўмацавання сяброўскіх сувязей паміж краінамі ў галіне балетнага, опернага і тэатральнага тэатра.

Гэты Мемарандум прадугледжвае ўзаемнае азнаямленне з дасягненнямі нацыянальнага балетнага, опернага і сімфанічнага мастацтва Беларусі і Расіі; арганізацыю гастрольнай дзейнасці калектываў абодвух бакоў; абмен салістамі і выканальніцкімі калектывамі; ажыццяўленне сумесных балетных і оперных пастановак і іншых творчых праектаў; правядзенне майстар-класаў вядучых спецыялістаў абодвух тэатраў; удзел у музычных конкурсах і фестывалях; супрацоўніцтва ў галіне абмену спецыялістамі (дырыжорамі, рэжысёрамі, мастакамі, мастакамі па святлу, спецыялістамі па пашыве касцюмаў і вырабе дэкарацый і інш.); актыўны абмен інфармацыяй аб найбольш важных падзеях у музычным і тэатральным жыцці абедзвюх краін.

Гэты дакумент мае вялікі патэнцыял і будзе садзейнічаць умацаванню сяброўскіх сувязей паміж двума калектывамі і супрацоўніцтва, якое мае выдатныя творчыя перспектывы і стане важнай падзеяй у гісторыі нашых тэатраў.