Вялікі тэатр Беларусi
Вялікі тэатр Беларусi
Вялікі тэатр Беларусi
Вялікі тэатр Беларусi
Калектыў Spellbound contemporary ballet прадставіць спектакль "Уверцюры Расіні" на сцэне Вялікага тэатра Беларусі. Спектакль італьянскага харэографа Маўра Астольфі распачне IFMC-2018 – XXXI Міжнародны фестываль сучаснай харэаграфіі.
Spellbound Contemporary Ballet быў заснаваны ў 1994 годзе італьянскім харэографам Маўра Астольфі. Да гэтага ён працаваў у танцавальных кампаніях выбітных амерыканскіх харэографаў Пола Тэйлара і Мерса Канінгема. Вярнуўшыся ў Італію, ён заснаваў свой тэатр, якім кіруе сумесна з Валянцінай Марыні, якая паспяхова займаецца развіццём праекта на міжнародным узроўні.
Spellbound Contemporary Ballet падрыхтаваў мноства разнастайных міжнародных праектаў: ад гала-канцэртаў да тэлевізійных праграм, ад сцэнічных выступленняў да міжнародных фестываляў. Дзякуючы цудоўнаму майстэрству выканаўцаў, універсальнай мове аўтарскай харэаграфіі, багатаму рэпертуару кампанія Spellbound запатрабавана ў лепшых тэатрах свету і на міжнародных фестывалях. Калектыў выступаў у Сербіі, Германіі, Францыі, Харватыі, Швейцарыі, Аўстрыі, Расіі, ЗША, Ізраілі, Панаме, Канадзе, Тайландзе і іншых краінах. Харэаграфічныя досведы Маўра Астольфі дэманстраваліся на Венецыянскай біенале і адкрывалі фонд Пікаса ў Малазе.
20 лістапада Spellbound Contemporary Ballet прапануе ўвазе гледачоў спектакль "Уверцюры Расіні", які прысвечаны творчасці і асобе кампазітара Джаакіна Расіні. Харэографа-пастаноўшчыка Маўра Астолфі натхніла музыка і неардынарная біяграфія кампазітара, якую харэограф называе не інакш як "арганізаванае вар'яцтва".
Разважаючы пра творчасць Расіні, Маўра Астольфі прызнаецца, што крыніцай натхнення для яго перш за ўсё была музыка кампазітара: "Яго музыка была чымсьці вялікім, знакам вялікай сілы і энергіі, таму я наўмысна паспрабаваў стварыць экстрэмальную харэаграфію, напоўненую моцай, жыццёвай энергіяй, сустрэчамі, спакусамі... "
"Такі магутны і ўнікальны мастак, які напісаў оперу" Севільскі цырульнік" усяго за 13 дзён, літаральна запоўніў мой розум ідэямі, малюнкамі, знакамі, – распавядае Маўра Астолфі. – Мае ўражанні не звязаныя з нейкімі пэўнымі творамі кампазітара, гэта захапляльнае падарожжа па цудоўным мастацкім свеце, створанаму Расіні. Мяне ўразіла моц яго музыкі, і ў гэтае зіхатлівае імгненне я адчуў, што ведаю яго".
У спектаклі "Уверцюры Расіні" калектыва Spellbound гледачы адправяцца ў казачнае падарожжа, складзенае з успамін і разнастайных гісторый. Персанажы балета – вясёлыя, адзінокія, сумныя і смелыя, яны жывуць, твораць, перамяшчаюцца ў сімвалічнай і таямнічай рэальнасці – чароўным, дзіўным свеце, які з'яўляецца не чым іншым, як вялікім архівам, таемным домам Расіні, у якім ён захоўваў, каталагізаваў і збіраў сваю магію, свае адкрыцці, сваю любоў, дзе змяшаныя водары і фарбы насычанага падзеямі жыцця, якое, не адчуваючы недахопу ў праблемах і страхах, тым не менш, была хвалюючай і пачуццёвай".
XXXI Міжнародны фестываль сучаснай харэаграфіі
ГЕНЕРАЛЬНЫ ПАРТНЁР ФЕСТЫВАЛЮ
